KWAZULU-NATAL. – ‘n Man is op ‘n toneel dood verklaar en ‘n ander het by ‘n hospitaal gesterf, nadat hulle Saterdagmiddag op ‘n sypaadjie getref is toe sowat vyf motors in ‘n botsing betrokke was.
Garrith Jamieson van ALS Paramedics sê die diens is net na 12:30 na ‘n ongeluk op die Old Dutchpad waarby ‘n aantal motors betrokke was. Minstens vyf insittendes van die motors het beserings opgedoen. Die ongeluk het by ‘n verkeerssirkel gebeur, waarna van die motors die pad verlaat en in voetgangers ingeploeg het. Meer hulp is dadelik ontbied en ‘n triagesisteem is opgestel. Nadat die eerste man dood verklaar is, is die tweede aan ‘n handventilator gekoppel en na ‘n nabygeleë spesialisfasiliteit gehaas. Hy het egter kort daarna gesterf.
ALS Paramedics het die beseerdes behandel en hulle vir verdere mediese sorg na ‘n nabygeleë Durbanse hospitaal vervoer.
Omstandighede van die ongeluk word deur die polisie ondersoek.
