AHMEDABAD, INDIЁ. – Die tweede vlugopnemer van die Air India-Boeing wat verlede week neergestort het, is gevind.
Lees ook: Dodetal in Air India-ramp styg steeds
Die stemopnemer wat alle klanke in die stuurkajuit opneem, insluitend die vlieëniers se gesprekke en alle alarms, is gevind. Die vlugopnemer wat al die inligting van die vliegtuig opneem, is reeds Vrydag gevind.
Hierdie opnemers kan ondersoekers help om uit te vind hoekom die Boeing 787 Dreamliner neergestort het kort nadat dit opgestyg het. Altesaam 241 mense is op die vliegtuig dood, met net een passasier wat oorleef het. Sowat 30 mense op die grond het in die ongeluk gesterf.
Indië se buro vir die ondersoek na vliegtuigongelukke lei die ondersoek oor die oorsaak van die ongeluk met hulp van spanne van die VK en VSA.
Bronne: BBC, The Independent, Evening Standard
Lees ook: Dodetal in Air India-ramp styg steeds
