Die swemmer en televisie-aanbieder, Vanes-Mari du Toit, en haar span het dit reggekry om die Guinness World Record vir swem op die hoogste hoogte bo seevlak te breek.
Volgens haar het hulle verskeie dae van hoogtes uitklim en navigasie deur hewige sneeu agter die rug. Hulle kon uiteindelik 6 405 m bo seespieël in sonkynweer swem terwyl hulle ’n pragtige uitsig gehad het.
Sy sê almal geniet goeie gesondheid en hulle mik om teen die einde van die dag die ruskamp te bereik.
Nuusflits het só oor hulle tog berig.
Bron: Vanes-Mari du Toit Facebook
