KWAZULU-NATAL. – Twee persone is Woensdag omstreeks 22:10 ernstig beseer toe ‘n man op ‘n plaaslike “daggawinkel” in die Grove End geskiet het.
KZN VIP Protection Services sê KZNVIP Medics is na die toneel ontbied waar beide persone met verskeie skietwonde gestabiliseer is. Hulle is vir verdere mediese behandeling na ‘n hospitaal vervoer.
‘n Man het na bewering uit ‘n silwerkleurige Toyota geklim en lukraak op die winkel geskiet.
Omstandighede van die skietery kan nie bevestig word nie, maar owerhede was teenwoordig.
