LIMPOPO. – ’n Verdagte (40) sal vandag (Woensdag) op aanklag van die verkragting van ‘n vrou (75) in die Mankweng-landdroshof verskyn.
Brig. Hlulani Mashaba, polisiewoordvoerder, sê in ‘n verklaring die voorval het Maandagoggend omstreeks 02:30 in Ga-Mokgopo, Borobathoka, plaasgevind. Die slagoffer was alleen tuis en het geslaap toe sy ‘n venster hoor breek. ‘n Verdagte man het glo die huis betree en geld van haar geëis. Toe sy aandui dat sy nie geld het nie, het hy haar verkrag en na ’n nabygeleë veld gedwing.
Die slagoffer het om hulp geskree en is deur lede van die gemeenskap gered. Die saak is by die Sebayeng-polisielantoor aangemeld en ’n verkragtingsaak is geregistreer. ’n Intelligensiegedrewe operasie het tot die inhegtenisneming van die verdagte op aanklagte van inbraak en verkragting gelei.
Mashaba sê die ondersoek duur voort.
