WES-KAAP. – Morné Dampies het in die Paarl-landdroshof verskyn op ’n aanklag van brandstigting wat verband hou met die brand by die Paarl-hospitaal.
Volgens Eric Ntabazalila, NVG-woordvoerder, beweer die staat dat die beskuldigde deur videomateriaal en ooggetuieverklarings met die misdaad verbind word. Die saak is tot 5 Februarie uitgestel om te bepaal of Dampies vir sielkundige evaluering verwys moet word. Dit volg nadat ’n familielid aan die aanklaer bekend gemaak het dat die beskuldigde ’n pasiënt in die psigiatriese afdeling van die hospitaal is. Die verrigtinge is ook vir borgtogaansoek-inligting en vir ’n media-aansoek om die hofverrigtinge op te neem en regstreeks te stroom, uitgestel.
