OOS-KAAP. – ’n Verdagte is Sondagoggend omstreeks 06:45 op die Somerstrand-strandfront vasgetrek nadat hy na bewering twee 15-jariges van ’n Samsung-selfoon beroof het.
Volgens Fidelity ADT was ’n reaksiebeampte, S11, besig met ’n roetinepatrollie toe twee lede van die publiek hom genader het terwyl hulle die verdagte agternagesit het. Hy het om hulp gevra en roepsein H02 het op die oproep gereageer. Die twee beamptes het die verdagte vasgetrek, wat glo erken het dat hy by die roof betrokke was en gesê het ’n makker het hom met die gesteelde selfoon uit die voete gemaak.
Die verdagte is aan Humewood-polisie oorhandig vir verdere ondersoek, terwyl die twee minderjariges na die polisiestasie geneem is om verklarings af te lê.
Kry jou nuutste nuus elke oggend per e-pos. Teken hier aan:
