WES-KAAP. – Monneashia Prins (11) van Ithemba Farms se lewelose liggaam is op 10 Februarie in ‘n kanaal gevind nadat sy op 9 Februarie vermis geraak het.
Eric Ntabazalila, woordvoerder vir die NVG, sê Mikaeel Oliver het Maandag vir moord, ontvoering, verkragting en regsverydeling in die Blue Downs-landdroshof verskyn. Die saak is vir formele borgaansoek tot 26 Februarie uitgestel.
Volgens Primêre Skool Spurwing was Prins in haar grys skooluniform met ‘n pienk hoodie aan geklee toe sy die laaste keer gesien was.
‘n Geregtelike doodsondersoek was aanvanklik by Kleinvlei-polisiestasie geregistreer sodat die oorsaak van Prins se dood deur ‘n nadoodse ondersoek vasgestel kon word.
IOL berig Oliver (18), ‘n buurman van Prins, het regsverteenwoordiging in die hof geweier en gesê hy sal vir homself praat; hy is skuldig en wil net gevonnis wees om sy les te leer.
‘n Gedenkdiens is intussen vir die jong oorledene gehou.
