GAUTENG. – ‘n Verdagte is Sondag op aanklag vir die besit van vervalste dokumente in Esselen Park in Tembisa in hegtenis geneem.
Die Gautengse departement van gemeenskapsveiligheid sê inligting oor ‘n verdagte wat glo ID’s vervaardig, is gekry en opgevolg. Tydens deursoeking in ‘n multidissiplinêre operasie is verskeie dokumente in die verdagte se besit aangetref. Dit sluit SA-identiteitsdokumente, buitelandse identiteitsdokumente, bestuurslisensies, bankkaarte en Sassa-kaarte vir maatskaplike toelaes in.
Die verdagte kon nie ‘n bevredigende verduideliking oor die dokumente verskaf nie en is onmiddellik op aanklag van die besit van vermoedelik gesteelde goedere in hegtenis geneem.
Het jy kommentaar oor die berig? Jy kan nou aan Nuusflits lesersbriewe skryf en dalk word joune gepubliseer. Rig jou brief aan die redakteur by [email protected]
