VEREENIGING, GAUTENG. – Retshidisitswe Mahlangu (23 maande) se lewelose liggaam is Vrydagmiddag in die ou Vereeniging-hospitaal wat in ’n residensiële area omskep is, gevind. Die kleuter het na bewering steeds ’n mes in haar kop gehad en haar maag was oopgesny.
Dit volg nadat haar ma, Nthabiseng Mahlangu (25), die kleuter in ’n vriendin se sorg gelos het terwyl sy dorp toe was. Hulle het glo gereeld beurtelings mekaar se kinders opgepas.
Nthabiseng het egter later haar vriendin in die dorp raakgeloop. By navraag het die vriendin gesê dat sy die kinders alleen by die huis gelos het.
Die ma het glo teruggekeer huis toe en gesien dat die kleuter vermis is. ’n Soektog is begin. Die kleuter se liggaam is toegedraai in ’n mat in ’n leë vertrek van die ou hospitaal gevind.
Lt.kol. Mavela Masando, polisiewoordvoerder, het bevestig dat ’n moorddossier geopen is.
Bronne: Daily Sun, George Herald
