FRANKRYK. – Die verhoor van die voormalige chirurg wat glo sowat 299 minderjariges oor 25 jaar in 10 hospitale en klinieke seksueel aangerand en verkrag het terwyl hulle verdoof was of van operasies herstel het, het gister begin.
Lees ook: Voormalige Franse chirurg aangekla van 299 kinders se verkragting
Joel Le Scouarnec (74) het gister gesê hy het “simpatie met die lyding van die slagoffers oor die dade wat ek tydens my ondervraging erken het”. Hy het ook gesê hy is “bewus daarvan dat hierdie wonde nie genees of uitgewis kan word nie”.
Le Scouarnec is reeds in die tronk na hy in 2017 sy bure se kind, ’n pasiënt en sy niggies verkrag en seksueel aangerand het. Hy was ook in 2005 skuldig bevind aan die besit van beelde van kinders wat seksueel aangerand word, maar sy vier maande vonnis is opgeskort en hy is toegelaat om steeds met kinders te werk.
Dagboeke met inligting oor die kinders wat hy seksueel aangerand het, poppe wat hy gebruik het vir seksuele doeleindes en beelde en video’s van kinders wat aangerand is, is in 2017 in sy huis gevind na sy bure die polisie gebel het toe hy hulle kind deur ‘n heining gemolesteer het.
Die verhoor sal na verwagting tot Junie voortduur.
Bronne: CNN, New York Times, Daily Mail
Lees ook: Voormalige Franse chirurg aangekla van 299 kinders se verkragting
