NOORD-KAAP. – Gerrit de Wee (21) is tot 25 jaar vir die verkragting van ‘n 18-jarige en ‘n 15-jarige seun in die Groblershoop-streekhof gevonnis.
Lt.kol. Sergio Kock sê die 18-jarige was op 3 April omstreeks middernag van ‘n plaaslike kroeg onderweg huis toe. Die beskuldigde het hom oorval en na ‘n bos in Theresa-vallei gesleep waar hy verkrag is. De Wee is die volgende dag gearresteer, maar is later op borg van R500 vrygelaat.
Terwyl De Wee op borg was, het hy op die middag van 1 Februarie 2023 die 15-jarige, wat beeste naby die Oranjerivier laat wei het, oorval, met ‘n mes gedreig en verkrag. De Wee was van die volgende dag af in hegtenis totdat hy op 19 Junie gevonnis is.
Kock sê die twee sake is saam verhoor. Vir die verkragting van die 18-jarige is De Wee tot 10 jaar en vir die verkragting van die 15-jarige tot 15 jaar tronkstraf gevonnis.
Die vonnisse sal saam uitgedien word.
