Vermeende huisrowers aangekeer wat vrou en werknemer oorval

Die gemeenskap en sekuriteitsbeamptes van die Steiltes het Donderdagoggend drie verdagtes wat van 'n beweerde huisroof gevlug het, aangekeer....

Foto: Ter illustrasie Canva

MPUMALANGA. – Drie verdagtes is oomblikke nadat hulle van ‘n beweerde huisroof gevlug het, deur die vinnige optrede deur lede van die gemeenskap en sekuriteitspersoneel in Steiltes aangekeer. ‘n Vrou (73) en haar werknemer is glo aangehou en beroof.

Kol. Donald Mdhluli sê die huisroof het Donderdagoggend omstreeks 09:00 in die Steiltes in Nelspruit (Mbombela) plaasgevind. Drie verdagtes het glo ‘n vrou en haar tuinwerker met ‘n mes aangehou en besteel. Die verdagtes is aangekeer terwyl hulle op vlug was.

Volgens inligting het die tuinwerker die vrou van mense wat glo ‘n watermeter wou herstel, gesê. Oomblikke later het die verdagtes die huis betree en hulle met ‘n mes aangehou terwyl geld geëis is. Die verdagtes het die slagoffers se selfone, ‘n skootrekenaar, ‘n onbekende bedrag geld en ook ‘n geweer, pistool en jagmes gesteel nadat hulle die kluissleutels gekry het. Saam beloop die waarde van die items ongeveer R35 000.

Die verdagtes het daarna te voet van die toneel gevlug, waarna sekuriteitsbeamptes daarin geslaag het om een buite die huis met van die gesteelde items by hom, aan te keer. Nog twee van die verdagtes is met behulp van die gemeenskap vasgetrek.

Twee verdagtes wat volgens vermoede die vuurwapens gesteel het, is steeds op vrye voet. Die ondersoek duur voort en die polisie is op hulle spoor.

Enigiemand met inligting van die voorval word versoek om na vore te kom.

Lt.genl. Semakaleng Daphney Manamela het die sekuriteitswagte en gemeenskapslede vir die aankeer van die drie verdagtes geprys.

Lotto uitslae vir 20 April 2024

Groenewald en Greeff se appèl suksesvol

Omstanders gryp glo vrag van brandende vragmotor

Vier sterf in ongeluk naby Port Shepstone

Bejaarde man se liggaam by Gqeberha-gholfklub gevind

Man wat vrou vermoor, opsny en kook se parool weer geweier

Willem Botha spog met eie parfuum

Onbekende mans sterf toe vragmotor hulle voertuig tref

Mooiweer die naweek verwag

Universiteit van Fort Hare gee binnekort graad aan 19-jarige

Powerball uitslae vir 19 April 2024

Man kry lewenslange vonnis vir verkragting van meisie (12)

Boer soek ’n Vrou se PF en Chantelle verwag ’n dogtertjie

Verdagte op rooftoneel doodgeskiet

 Kyk: Jan Jan Jan en dansende Kwagga vermaak