KWAZULU-NATAL. – Twee vermeende misdadigers is vandag tydens ‘n skietery en hoëspoedjaagtog met die polisie by die kruising van Tara- en Badullastrate in Wentworth doodgeskiet.
Kol. Robert Netshiunda sê die polisie het ‘n voertuig wat vermoedelik in kriminele aktiwiteite betrokke was, gesoek. Die voertuig is in Tarastraat opgemerk. Voorlopige ondersoeke het aan die lig gebring die voertuig is vroeër die maand in Malvern as gekaap gerapporteer. Die polisie het aangedui die voertuig moet stop, maar dit het eerder weggejaag en ‘n voetganger gestamp wat beserings opgedoen het.
Netshiunda sê tydens die jaagtog het die verdagtes op die polisielede geskiet, waarna die polisie teruggeskiet het. Die verdagte voertuig het in ‘n spoorlyn ingejaag en vasgesit. Die verdagtes in die voertuig is verder te voet deur die polisielede agternagesit. Na ‘n botsing het die voertuig tot stilstand gekom.
Twee verdagtes is gevind waar hulle dood buite die voertuig lê.
Geen polisielede is beseer nie.
