NOORD-KAAP. – Richard Samuel Steenkamp (73), wat op 16 Augustus in Roodepan vermis geraak het, se liggaam is Woensdagoggend deur ‘n werknemer in ‘n veld op ‘n plaas gevind.
Lt.kol. Sergio Kock sê Steenkamp, wat glo aan Alzheimer se siekte gely het, se liggaam is omstreeks 10:00 op die plaas naby Roodepan gevind. Steenkamp se liggaam is deur sy familie uitgeken.
“Geen gemene spel word in hierdie stadium vermoed nie. ’n Lykskouing sal egter uitgevoer word om die oorsaak van dood te bepaal.”
‘n Geregtelike doodsondersoek is deur die polisie geopen en enigiemand met inligting word gevra om kapt. Deon Rheede op 082 469 0681 te bel.
Die ondersoek duur voort.
