NOORDWES. – Alwin Dorman (39) van Olifantsnek, wat op 6 Oktober vermis geraak het, is Donderdagaand bewusteloos in sy voertuig langs die R24-Olifantsnek-pad aangetref. Hy het met sy ma per foon gepraat en gesê hy sien bosse, waarna kontak verbreek is.
Rustenburg First Responders sê in ‘n sosialemediaplasing ‘n oproep oor ‘n voertuig in ‘n bos, met ‘n bewustelose persoon binne-in, is net ná 21:00 ontvang. Met verdere ondersoek is die persoon sittend, ontwater en bewusteloos aangetref. Daar is vasgestel die voertuig behoort aan Dorman. Dorman se ma het vermoed haar seun was in ‘n ongeluk betrokke.
Dorman is op die toneel gestabiliseer en vir verdere mediese behandeling na ‘n hospitaal vervoer.
Bronne: Rustenburg First Responders, Rustenburg Staan Saam en Emmanuel Sorg Npc
.
