GAUTENG. – Yolandi Botes (35), van Brakpan, wie op 26 April 2021 vermis geraak het nadat sy na bewering ‘n Uber geneem het van die OR Tambo-lughawe af, is wreed vermoord.
Yolandi se liggaam is Dinsdag naby die Vaal Holiday Resort, Villiers, gevind. Haar liggaam is in stukke opgesny en langs die rivier gevind.
Familie eis geregtigheid
Mariska Oosthuizen, Yolandi se suster het vanoggend op haar Facebook-bladsy gesê die familie eis geregtigheid vir die moord.
“SAPD, hoekom het julle nie julle werk gedoen nie? Julle kon haar lankal gekry het. Dit was ’n beplande moord. My suster is in stukke gekap en in die rivier gegooi asof sy niks is nie. Sy was nie niks nie! Ons soek antwoorde.”
Liggaamsdele uit rivier gehaal
Brig. Motantsi Makhele, polisiewoordvoerder, sê ’n pa en sy seun het Dinsdag liggaamsdele in die water opgespoor terwyl hulle by die Vaal Holiday Resort visgevang het.
“Die polisie se soek-en-reddingspan het verskeie liggaamsdele uit die rivier gehaal.”
Yolandi is positief aan ’n tatoe uitgeken.
Lees ook toe sy weggeraak het, hier, asook die moontlike verbintenis met ‘n bebloede kamer in ‘n lodge, hier.
Nuusflits het ook sy eie interne ombudsman, Johan Retief, wat die voormalige ombud van Suid-Afrika is. Dus is jy verseker van gehalte nuus, heeldag lank, gratis.
