PAKISTAN. – Vier mense is dood en 20 is beseer ná ’n bom Sondag in ’n voertuig naby ’n mark in Baloetsjistan, Pakistan, ontplof het.
Lees ook: Pakistan en Indië bereik skietstilstand
Die ontploffing het in Qillah Abdullah naby die grens met Afghanistan plaasgevind. Die adjunkkommissaris, Abdullah Riaz, het gesê verskeie winkels en ’n gebou waarin die weermag gehuisves word, is in die ontploffing beskadig.
Nog geen groep het aanspreeklikheid vir die bomaanval aanvaar nie, maar die vermoede is dat Baloch-separatiste vir die aanval verantwoordelik is.
Die woordvoerder vir die Baloetsjistanse regering, Shahid Rind, het gesê die bomaanval word ondersoek.
Bronne: Euronews, Times of India, NDTV
Lees ook: Pakistan en Indië bereik skietstilstand
