INDIЁ. – Vier mense is in hegtenis geneem vir die stormloop waarin 11 mense Woensdag dood is buite die krieketstadion in Bengaluru in ’n vieringsparade ná die Royal Challengers Bengaluru (RCB) die Indiese Premier-liga vir die eerste keer ooit gewen het.
Lees ook: Elf mense dood tydens vierings ná krieketwedstryd
Die hoof van bemarking van die RCB en werkers by die maatskappy wat die viering gereël het is in hegtenis geneem. Vyf senior polisielede, insluitend die stad se polisiehoof, is deur die regering vir “nalatigheid en onverantwoordelikheid” geskors.
Daar was meer as 200 000 mense by die viering, maar die polisie het glo helfte van daardie aantal verwag. Die stadion waar die parade was, het slegs ’n kapasiteit van 32 000 en was reeds deur toeskouers oorweldig nog voor die RCB-span daar aangekom het.
Die stormloop word ondersoek en meer mense kan moontlik in hegtenis geneem word.
Bronne: BBC, DW, India Today
