KWAZULU-NATAL. – Vier verdagtes wat na bewering betrokke was by ‘n vlaag transitorooftogte in eThekiwini is vanoggend tydens ‘n skietery met die polisie dood.
Brig. Jay Naicker sê verskeie polisie-eenhede, wat die Valke insluit, het inligting na onlangse transitorowe opgevolg. Die ondersoek het die polisie na ‘n huis op die hoek vn Queen Nandirylaan en Sihindistraat in KwaMashu gelei. Die huis was vermoedelik die beweerde rowers se veiligheidshuis.
Met die aankoms van die polisie het die verdagtes onmiddellik op hulle geskiet. Die polisie het teruggeskiet en vier verdagtes noodlottig gewond.
Twee van die oorledenes is van Limpopo-provinsie afkomstig. ‘n AK47-aanvalsgeweer, R5-geweer en twee pistole met verskeie rondtes ammunisie is by hulle gevind.
Naicker sê ‘n groot hoeveelheid plofstof, voertuignommerplate waarvan sommiges van Limpopo, en seinstoringstoestelle, is ook by die verdagtes gevind.
Daar word na nog verdagtes gesoek. Opod vorm deel van die ondersoek op die toneel.
Four suspected CIT robbers have been shot dead by police at a house at the corner of Sikhindi and Nandi Drive, KwaMashu, KZN. pic.twitter.com/F3JZnJYTfF
— Yusuf Abramjee (@Abramjee) October 6, 2023
Bron: SAPD
Volg FiND iT se Facebookblad hier en klik hier om ons app af te laai. Klik hier vir vandag se nuutste nuus. As jy Afrikaanse Nuus op die Moya App wil lees, volg die skakel
