VRYSTAAT. – Vier verdagtes, tussen 20 en 30 jaar, is Dinsdag op heter daad betrap toe hulle glo dwelms aan studente in Bloemfontein verkoop het.
Kapt. Loraine Earle sê Parkweg-polisiestasie se intervensie-eenheid het inligting van verdagte gedrag in ‘n studentehuis in Universitas ontvang. Dinsdagoggend is twee mans binne en twee buite die huis opgemerk wat na bewering dwelms verkoop. Daar is op die verdagtes toegeslaan en hulle is in hegtenis geneem.
Die polisie het op dagga en R20 000 beslag gelê.
Die vier verdagtes sal binnekort op ‘n aanklag van handel in dagga in die hof verskyn.
