AUSTRALIЁ. – Virginia Giuffre se prokureur het gesê sy was “positief” en het “uitgesien na die toekoms” in die dae voor haar dood.
Lees ook: Epstein-beskuldiger Virginia Giuffre sterf aan selfdood
Karrie Louden het in ’n onderhoud met The Sun gesê daar is “groot vraagtekens oor haar dood”. Sy het bygevoeg “daar is selfdood en dan is daar ’n ongeluk”.
Louden was glo een van die eerste mense op die toneel na Giuffre se dood. Volgens haar was haar kliënt “in baie pyn” maar het na die toekoms uitgesien. Sy het gesê Giuffre wou haar huis opknap en het planne vir die toekoms gehad. Louden het onlangs ’n vergadering met Giuffre gehad om haar regsake te bespreek.
Giuffre (41) se familie het gesê sy het Vrydag (25 April) selfdood gepleeg omdat die “gevolge van mishandeling te swaar geraak het vir Virginia om die gewig te hanteer”. Sy het onlangs probleme met haar man, Robert, gehad wat ’n huishoudelike-geweld-beskermingsbevel teen haar gehad het wat haar weerhou het daarvan om hulle kinders te sien.
Giuffre sou binnekort in ’n landdroshof in Perth moes verskyn na sy glo die beskermingsbevel oortree het. Sy het ontken dat sy dit oortree het.
Bronne: The Telegraph, Daily Mail, The Daily Express
Lees ook: Epstein-beskuldiger Virginia Giuffre sterf aan selfdood
