VIRGINIA, VRYSTAAT. – Die munisipale gebou op Virginia is glo in vlamme gehul nadat onluste vroeër vanmiddag uitgebreek het toe stakingsonderhandelings nie suksesvol was nie.
Dit volg na ’n aanvanklike staking deur munisipale werkers op 29 Januarie 2024. Alle Samwu-lede is op daardie dag glo by die munisipale kantore uitgesluit.
Uitgeslote lede het gevind dat aftrekkings van hulle salarisse gemaak is, aangesien die geen-werk-geen-betaling-beginsel gegeld het. Selfs lede wat op siekverlof en ander verlof was, het minder salaris ontvang.
Sommige van die lede het nie vandag hulle Maart-salarisse ontvang nie, terwyl ander verminderde betaling ontvang het.
Vista Newspaper het vroeër beeldmateriaal van die onluste voor die munisipale gebou gedeel. Dit is onduidelik of die brand met die onluste verband hou.
Kyk die beeldmateriaal hier.
Bronne: Vista Newspaper, Facebook
