INTERNASIONAAL. – ‘n Vliegtuig van British Airways van Londen na Nigerië moes Sondag ‘n noodlanding maak nadat ‘n afgetrede militêre hoof tydens die vlug gesterf het.
Lees ook: Drie beseer toe helikopter op hoofweg neerstort
Osita Obierika, in sy 80’s, was in die VK vir kankerbehandeling en was op pad terug huis toe, toe hy tydens die vlug siek geraak het en gesterf het.
Die vlieënier het ‘n mediese noodgeval aangekondig en het besluit om by die El Prat-lughawe in Barcelona, Spanje te land. Die nuus van die oorledene het paniek op die vliegtuig veroorsaak en ‘n swanger vrou het ‘n mediese probleem ervaar.
British Airways het om verskoning gevra vir die voorval en het al die passasiers op ‘n ander vlug na Nigerië gesit.
Bronne: Daily Mail, The Independent, New York Post
