FLORIDA, VSA. – ‘n Klein vliegtuig het Maandagaand op ‘n pad in Florida beland en een motor tydens ‘n noodlanding getref.
Lees ook: Aardbewing tref naby Springbok in Noord-Kaap
Volgens die Federale Lugvaartadministrasie het die Beechcraft 55 probeer om ‘n noodlanding op die Interstate-95 te maak ná probleme met die enjin ervaar is en het ‘n motor getref. Die vlieënier en passasier, albei 27, was albei ongedeerd.
‘n Vrou (57) wat in die voertuig was, is met geringe beserings na ‘n hospitaal geneem.
Die Federale Lugvaartadministrasie gaan die vliegtuigongeluk ondersoek, terwyl die Florida Highway Patrol die motorongeluk gaan ondersoek.
Bronne: USA Today, Fox News, PEOPLE
