LIMPOPO. – ‘n Toyota Fortuner, wat glo op 29 Mei in Sinoville, in die noorde van Pretoria gesteel is, is Donderdagoggend, glo onderweg na Zimbabwe, in die Matlala-polisiëringsarea onderskep.
Kol. Malesela Ledwaba sê ‘n verdagte (36) wat glo die voertuig onderweg na Zimbabwe bestuur het, is in hegtenis geneem. Die voertuig sou blykbaar deur die Beitbrug-grenspos beweeg, maar is in die gebied buite Polokwane opgemerk.
Die verdagte sal op ‘n aanklag van ‘n vermoedelik gesteelde voertuig in die Seshego-landdroshof verskyn.
