KWAZULU-NATAL. – ‘n Voetganger is Sondag deur twee voertuie raakgery terwyl hy die Gopalall Hurbanspad naby Frasers probeer oorsteek het.
Reaction Unit South Africa (Rusa) sê die diens is omstreeks 19:30 vir hulp na die toneel ontbied. Daar is vasgestel die man is deur ‘n Land Rover gestamp, waarna ‘n tweede voertuig oor hom gery het. Beide die voertuie, waarvan die registrasienommers onbekend is, het van die toneel weggery.
Die voetganger het verskeie beserings opgedoen en is deur twee paramedici, wat van diens af was, gestabiliseer, voordat hy privaat na ‘n mediese fasiliteit vervoer is.
