GAUTENG. – Phanuel Mokomo, ‘n voormalige beoordelaar by die permit-afdeling van binnelandse sake, is Woensdag in die Pretoria- gespesialiseerde kommersiële misdaadhof aan korrupsie skuldig bevind.
Kol. Katlego Mogale van die Valke sê Mokomo is skuldig bevind en gevonnis vir die onreëlmatige uitreiking en goedkeuring van permitte. Tydens die departement se interne ondersoek het Mokomo probeer om dit te stop deur R10 000 aan die ondersoeker te bied. Die saak is op 20 September 2018 aan die Valke gerapporteer, waarna ‘n lokval-operasie gemagtig en uitgevoer is. Tydens die operasie is Mokomo op heter daad betrap toe hy die R10 000 oorhandig. Hy is gearresteer en vir korrupsie aangekla.
Die saak is vir vonnisoplegging tot 18 Februarie 2025 uitgestel.
