Eben Olivier, ‘n voormalige rugbyspeler van die stad, het vandag borg gekry nadat hy vanaf 4 Februarie in aanhouding was.
Olivier word daarvan aangekla dat hy by ‘n gastehuis in die dorp gebly het en nooit betaal het nie. Hy is toe vir bedrog aangekla en in hegtenis geneem. Hy het vandag vir ‘n tweede keer in die Kimberley-landdroshof verskyn.
Olivier is ‘n voormalige rugbyspeler, wat onder andere vir die Griekwas en Griffons uitgedraf het.
