GAUTENG. – Lerato Sefekeri (45) het Vrydag op twee aanklagte van moord en brandstigting in die Protea-landdroshof verskyn nadat Sandra Mabaso en Oratile Mabaso (6) gesterf het.
Phindi Mjonondwane, woordvoerder vir die NVG, sê Sefekeri en Mabaso het glo ‘n argument gehad. Sefekeri se suster sê sy het wakker geword en haar broer uit die kamer wat in vlamme gehul was, sien kom. Sy het verder glo gesien hoe haar broer vir Mabaso steek en in die brandende kamer instoot. Die kamer is glo gesluit en die sleutel weggegooi, waarna hy van die toneel gevlug het. Mabaso het op die toneel gesterf en die seun by die hospitaal.
Die saak is vir ‘n formele borgaansoek tot 6 Mei uitgestel.
