KWAZULU-NATAL. – ‘n Vrou (28) het Sondagmiddag sonder brandstof op die Umdloti Beachpad, in Lotusville, gaan staan, waarna sy aangerand en beroof is.
Reaction Unit South Africa sê ‘n oproep vir hulp is net na 18:00 ontvang. Die vrou was onderweg na ‘n vulstasie om brandstof in te gooi, toe haar motor gaan staan. Haar baba (19 mnde.) was ook in die voertuig. Sy het naby die toetsgronde in Verulam gestaan en was besig om telefonies hulp te ontbied. ‘n Verdagte het die voertug genader en die ruit met ‘n klip uitgeslaan. Hy het die vrou se selfoon en geld geëis, waarna hy te voet gevlug het.
“Die vrou het oop wonde aan haar gesig opgedoen. Die kind is ongedeerd.”
