KWAZULU-NATAL. – ‘n Vrou (40) is Dinsdag in Gopolall Hurbansstraat Tongaat deur ‘n vragmotor se wiel wat losgekom het getref en beseer.
Volgens Reaction Unit South Africa het ‘n verbyganger die beheersentrum in Tongaat omstreeks 15:47 vir hulp gebel.
Met aankoms op die toneel is gevind die vroulike voetganger is deur die agterste wiel van ‘n vragmotor getref wat in die ry losgekom het.
Die vrou het beserings opgedoen en is op die toneel gestabiliseer voordat sy vir verdere mediese behandeling na ‘n hospitaal vervoer is.
