LANCASHIRE, UK. – ’n Vrou in haar dertigs is Maandagaand oorlede nadat sy deur ’n groot tak in ’n park getref is.
Lees ook: Dief sê sy het doodsdreigemente ontvang oor hase wat in park gelaat is
Die vrou het saam met ’n kind deur Witton Country Park in Blackburn gestap toe die tak onverwags afbreek en op haar neerstort. Nooddienspersoneel is vinnig ontbied, maar sy is op die toneel dood verklaar. Die kind wat by haar was, het ongedeerd daarvan afgekom.
Volgens die Darwen-raad en Blackburn-owerhede is die betrokke boom kort ná die voorval afgekap. Die owerhede het bevestig dat die vrou se dood nie as verdag beskou word nie. ’n Lêer sal deur die nadoodse ondersoeker opgestel word om die presiese omstandighede rondom die tragedie vas te stel.
Bronne: Daily Mail, Express, The Independent
Lees ook: Dief sê sy het doodsdreigemente ontvang oor hase wat in park gelaat is
