KWAZULU-NATAL. – ‘n Vrou is Dinsdagoggend op die R102 naby Etete dood toe sy glo gestamp, geskiet en daarna net so gelos is.
Samantha Meyrick van IPSS Medical Rescue en IPSS Search and Rescue sê die diens het op ‘n berig van ‘n skietinsident reageer.
“Aanvanklike rapportering is dat ‘n vrou deur ‘n motoris raakgery is, wat nadat daar in ‘n ander motor vasgery is, teruggkeer het om die vrou te skiet, voordat daar te voet gevlug is.”
Die vrou is op die toneel dood verklaar.
“SAPD en KDM (KwaDukuza-munisipaliteit) was op die toneel en die presiese oorsaak en motief sal aan verdere ondersoek onderhewig wees.”
