LIMPOPO. – Tshepho Mogoshadi Mphahlele (35) is 15 jaar gevangenisstraf opgelê nadat sy haar tweelingsuster in Januarie vanjaar doodgesteek en opgekap het.
Skokkende getuienis is in die Mokopane-streekshof aangehoor. Die moord het na’n rusie tussen die twee susters gevolg. Mphahlele het haar suster met ‘n mes gesteek totdat sy dood was. Daarna is haar liggaam met ’n byl opgekap voordat Mphahlele van die toneel af gevlug het.
Brig. Hlulani Mashaba, polisiewoordvoerder, het gesê die verdagte is in hegtenis geneem nadat sy haarself twee dae na die moord by die Moletlane-polisiestasie oorgegee het.
Die moord het op 18 Januarie 2023 in die GaMogotlane-nedersetting plaasgevind.
Bronne: IOL, Times Live, Twitter
