LIMPOPO. – ‘n Vrou (68) is Sondag omstreeks 04:00 in die Ramotshinyadi-woonbuurt dood nadat sy glo deur haar kêrel met ‘n baksteen teen die voorkop geslaan is.
Kol. Malesela Ledwaba sê na bewering het die oorledene se kêrel tuisgekom terwyl sy geslaap het. ‘n Onderonsie het plaasgevind waartydens sy met ‘n baksteen teen die voorkop geslaan en sy inmekaargesak het. Sy is deur nooddienste na ‘n hospitaal gehaas, maar is met aankoms dood verklaar.
Die verdagte is opgespoor en in hegtenis geneem en sal binnekort vir ‘n aanklag van moord in die Tzaneen-landdroshof verskyn.
Genl. maj. Jan Scheepers, die waarnemende provinsiale kommissaris, het die huishoudelike geweld wat tot die dood van die vrou gelei het ten sterkste veroordeel.
Volg FiND iT se Facebookblad hier en klik hier om ons app af te laai. Klik hier vir vandag se nuutste nuus.
