AUSTRALIë. – ‘n Vrou (28) het glo op 29 November ‘n vragmotor met 10 000 Krispy Kreme-donuts gesteel en op die vlug geslaan. Sy is na twee weke aangekeer en deur die owerhede aangekla.
New South Wales-polisie sê die vrou het haar kans waargeneem toe die vragmotorbestuurder vir brandstof buite Sydney gestop het. Die vrou het in die vragmotor gespring en voet in die hoek gesit. Na ongeveer ‘n week is die vragmotor verlate in ‘n motorpark opgespoor na “krummels gevolg is”.
Die verdagte donutdief is Donderdag by St. Mary’s Railway Station vasgetrek. Sy het in die hof verskyn en is borg geweier.
Die gesteelde vrag is vernietig en Krispy Kreme het onderneem om die 10 000 donuts aan hul klante te vervang.
Bronne: CBS News, Sydney News en BBC
Kry jou nuutste nuus elke oggend per e-pos. Teken hier aan:
