WES-KAAP. – Monica Golla (54) het op 12 April gesterf, nadat sy in die Rawsonville-polisiestasie se aanhoudingselle brandwonde opgedoen het.
Lt.kol. Malcolm Pojie sê lede aan diens het op 22 Maart omstreeks 21:30 ‘n brand in ‘n sel waar ‘n vrou (54) vir dronkenskap en wangedrag aangehou was, opgemerk. Die vrou het haarself glo aan die brand gesteek. Ook die beddegoed in die aanhoudingsel is tydens die brand beskadig. Die vrou is met brandwonde vir behandeling na ‘n hospitaal geneem.
‘n Navraagdossier is geopen, ‘n interne ondersoek word gedoen en Opod is van die voorval ingelig.
