Die departement van korrektiewe dienste sê ‘n video waarin ‘n beampte in volle uniform onvanpaste en vulgêre taal in die openbaar gebruik, word aangespreek.
Singabakho Nxumalo, woordvoerder vir korrektewe dienste, sê Makgothi Samuel Tobakgale, die nasionale kommissaris vir die departement, het te kenne gegee dit word in ‘n ernstige lig aanskou.
“Die departement is toegewyd om hoë standaarde van professionalisme te handhaaf.”
Nxumalo sê ‘n interne ondersoek is intussen geloods en toepaslike dissiplinêre aksie sal met inagneming van beleid en prosedures geneem word.
Thobakgale verseker die publiek hierdie optrede reflekteer nie die waardes en standaarde van die departement nie.
