Lees ook: Laaste verdagte in AKA-saak in hegtenis
DURBAN. – Vyf van die verdagtes wat in hegtenis geneem is vir die moord op Kiernan (AKA) Forbes en Tebello (Tibs) Motsoane het Donderdagoggend in die Durbanse landdroshof verskyn.
Die verdagtes het hulle identiteit probeer versteek, maar is deur die staat verhoed om dit te doen.
Hulle is geïdentifiseer as Lindokuhle Thabani Mkhwanazi (30), Lindani Zenzele Ndimande (35), Siyanda Eddie Myeza (21), Mziwethemba Harvey Gwabeni (36) en Lindokuhle Lindo Ndimande (29). Die verdagtes word aangekla van sameswering om moord te pleeg, twee aanklagte van moord, vyf aanklagte van poging tot moord, die onwettige besit van ‘n vuurwapen en onwettige besit van ammunisie.
Die saak is tot 6 Maart uitgestel vir ‘n borgverhoor. Intussen bly die mans in aanhouding.
Bronne: TimesLIVE, ECR, IOL
Lees ook: Laaste verdagte in AKA-saak in hegtenis
