AMBUNTI, PAPOEA-NIEU- GUINEE. – ’n Aardbewing wat 6,9 op die Richterskaal meet, het Sondagoggend in die noorde van Papoea-Nieu-Guinee voorgekom.
Minstens vyf mense het gesterf. Die aardbewing het op ’n diepte van 65 km omtrent 32 km vanaf die landelike nedersetting Ambunti plaasgevind.
Geen tsoenami-waarskuwing is vir Australië uitgereik nie.
Nagenoeg 1 000 huise is verwoes. Volgens Christopher Tamari, polisiewoordvoerder, kan die dodetal styg.
Aardbewings is glo algemeen in Papoea-Nieu-Guinee omdat hulle op die sogenaamde “vuurkring” wat vir tektoniese beweging bekend is, geleë is.
Bronne: Reuters, NDTV
