WES-KAAP. – ’n Aktiewe soektog na drie gewapende verdagtes is tans aan die gang nadat vanoggend (Vrydag) ‘n inbraak in die gebied bo Kampsbaai gepleeg is. Veldwagters en veiligheidsmagte deursoek die gebied met behulp van hommeltuie.
Op ‘n sosialemediaplasing van Tafelberg Nasionale Park word stappers sterk aangeraai om die Kampsbaai-wandelpaaie tot verdere kennisgewing te vermy. Terugvoer sal verskaf word sodra owerhede die gebied as veilig verklaar.
“Bly waaksaam en prioritiseer jou veiligheid,” lui die verklaring van SANParke.
Bronne: SANParks, Table Mountain National Park
