Hier is Wanda Botha se resep vir heerlike gemmerpoeding, perfek vir ‘n Sondagaand.
Wenk
Ek het die poeding gemaak met een teelepel gemmerpoeier en een teelepel varsgemaalde vars gemmer, so ook die sous: een teelepel gemmerpoeier en een teelepel vars gemmer.
Ek het net ‘n driekwart (¾) koppie suiker vir die sous gebruik en dit was heerlik!
Bestanddele:
125 g botter of margarien
¾ k bruin suiker
¾ k melk
½ t sout
1 eetlepel appelkooskonfyt
1 k koekmeel
¾ e koeksoda – dis reg – eetlepel!
Meng alles bo saam tot slap deeg. (Ek het maar my elektriese menger ingespan.)
Skep in dieperige tertbak van ongeveer 25 cm.
Sous
1½ k kookwater
2 t gemmer
1 k witsuiker
Meng alles saam tot gesmelt en gooi oor deeg. Sit kleefplastiek oor, steek ‘n paar gaatjies in vir die stoom om te ontsnap of plaas die deksel van die bak op.
Plaas bak op omgekeerde piering in mikrogolfoond en bak 12 minute op hoog (100%).
Volg FiND iT se Facebookblad hier en klik hier om ons app af te laai. Klik hier vir vandag se nuutste nuus. As jy Afrikaanse Nuus op die Moya App wil lees, volg die skakel.
