NOORDWES. – Die polisie het vroeër vandag ‘n waterkanon gebruik om taxi’s te verwyder wat die pad wat Suid-Afrika met die naburige Mosambiek, Botswana en Namibië verbind, versper het.
Lucas Mothibedi, woordvoerder van die departement van gemeenskapsveiliheid en vervoerbestuur, sê die N4 in die Ramothere Moiloa- plaaslike munisipaliteit was sedert vanoggend vroeg blokkeer, maar is nou oop. Die pad tussen Zeerust en Mahikeng op die Lehurutshe-aansluiting was onbegaanbaar en het oggendverkeer beïnvloed. Wetstoepassingsowerhede het die situasie gemonitor en die waterkanon gebruik om paaie vir verkeer oop te stel.
Die polisie en provinsiale verkeersowerhede het met die taxi-operateurs gepraat, maar hulle wou nie samewerking gee nie, gevolglik is die taxi’s op kragdadige wyse verwyder.
Mothibedi sê die motief vir die belemmering van die pad is onbekend, maar word deur die departement ondersoek.
