KAAPSTAD. –Kaapstad se direktoraat vir water en sanitasie het gewaarsku watertoevoer sal vanaf 21 Julie tot 25 Julie vir beplande onderhoud in sekere gebiede onderbreek word.
Lees ook: Kaapstad se watertoevoer van 14 – 16 Julie onderbreek
Inwoners word herinner om as ’n voorsorgmaatreël water in skoon, geseëlde houers te stoor.
Beplande onderhoudwerk sal die watertoevoer in die volgende gebiede onderbreek: Hanover Park, Athlone, Rylands, Newfields, Pinati Estate, Belthorn Estate, Penlyn Estate en Belgravia.
Die watertoevoer van Thembokwezi in Khayelitsha sal tydelik op 22 Julie vanaf 08:00 tot 18:00 afgesit word om ’n nuwe pyplyn te installeer.
Die watertoevoer sal tydelik 24 Julie vanaf 09:00 tot 18:00 in Winchester Avenue afgesit word om twee nuwe verbindings by die bestaande infrastruktuur te voeg.
Afsittoetse sal in Turfhallpad vanaf 09:00 tot 16:00 op 24 Julie uitgevoer word.
Die watertoevoer in Sanderlingpad sal vanaf 09:00 tot 17:00 op 24 Julie afgesit word om ’n nuwe kontroleklep te installeer.
Druktoetse en assesserings sal Woensdag vanaf 10:00 tot 16:00 in Olive Grove en omringende strate uitgevoer word en Donderdag vanaf 10:00 tot 16:00 in Bizweni 1 in Somerset-Wes.
Bronne: City of Cape Town
Lees ook: Kaapstad se watertoevoer van 14 – 16 Julie onderbreek
