Hierdie heerlike groenteslaai is perfek vir by ’n braai of as ligte ete. Daar is nog genoeg tyd voor die winter om dit te probeer.
BESTANDDELE:
1 kop blaarslaai
1 botteltjie agurkies na smaak
3 rou wortels
1 pak spekstukkies
1 blik heelpitmielies
1 medium pak gevriesde ertjies
1 blok cheddarkaas
1 groot bottel mayonnaise
1 blik kondensmelk (opsioneel)
METODE:
- Kry ’n slaaibak gereed.
- Snipper die blaarslaai en gooi onder in bak.
- Rasper die wortels en strooi oor die blare.
- Gooi die mielies bo-oor die wortels.
- Braai die spek en gooi dan oor.
- Sny die agurkies op en gooi bo-oor.
- Gooi ertjies wat steeds gevries is in ’n dik laag bo-oor.
- Meng die kondensmelk en mayonnaise goed en gooi bo-oor.
- Rasper die kaas en strooi genoeg oor.
- Bedek die bak met ’n deksel of foelie en plaas in die yskas vir ten minste 24 uur.
Bron: Bak en Brou – Hazel
