‘n Mens wil nie swaar kosse in die hitte eet nie. Hierdie mueslimuffins is die perfekte happie om teetyd te geniet of saam werk toe te neem.
BESTANDDELE:
500 ml bruinbroodmeel (280 g)
15 ml bakpoeier
2 ml sout
60 ml sagte bruinsuiker (50 g)
200 ml muesli (70 g)
1 ekstragroot eier
200 ml melk
80 ml kookolie
60 ml heuning
METODE:
1. Sif meel, bakpoeier en sout saam. Voeg suiker en muesli by.
2. Klits eier, melk, olie en heuning in ’n ander bak.
3. Giet eiermengsel by droë bestanddele en roer tot net gemeng. Moenie te veel meng nie; die beslag moet nog klonterig wees.
4. Skep in gesmeerde muffinpanne; maak elke holte twee derdes vol.
5. Bak 15-20 minute in ’n voorverhitte oond by 200° tot goudbruin. Laat ’n paar minute op ’n draadrak afkoel en sit dit dan voor met botter.
(Lewer 10 muffins)
Bron: Vars en Flatervry – Heilie Pienaar
