Weeklikse Woensdag-resep: Patatwiele

Groente hoef nie vervelig te wees nie. Met hierdie resep sal die meeste mense nie eers besef hulle eet groente nie. Patatwiele werk goed as ’n bygereg.

BESTANDDELE:

5 patats gekook, fyngedruk en afgekoel
1 rol  blaardeeg – ontdooi
1 koppie kaneelsuiker
1 koppie bruinsuiker
1 koppie room

METODE:

1. Voorverhit die oond teen 180° C.
2. Rol blaardeeg uit.
3. Smeer patat oor die deeg.
4. Strooi die helfte van die kaneelsuiker oor die patat.
5. Rol die deeg op en bêre in die yskas vir ’n halfuur.
6. Sny in duimdikte wiele.
7. Pak wiele in gesmeerde oondbak.
8. Meng die bruinsuiker en room en giet eweredig oor patatwiele.
9. Strooi res van die kaneelsuiker oor.
10. Bak vir 45 minute in voorverhitte oond, bedien warm.

Bronne: Boerekos – webtuiste