Skuinskoek het sy ontstaan in die Boesmanland gehad. Volgens oorlewering het die Voortrekkers dit as ’n versnapering geniet terwyl hulle die berge oor is. Dit raak nie vinnig oud nie, net hard. Dit is heerlik om saam met koffie te geniet.
BESTANDDELE:
2.5 kg koekmeel
10 ml sout
2 pakkies droë kitsgis
1 l louwarm water
250 g botter
15 ml anys
2.5 ml fyn neutmuskaat
750 ml suiker
METODE:
- Meng al die droë bestanddele goed. (Koekmeel, sout, kitsgis, anys, neutmuskaat, suiker)
- Voeg die water bietjie vir bietjie by en meng tot ‘n lekker deeg vorm.
- Knie die botter bietjie vir bietjie by totdat alles goed deurgeknie is. Knie ongeveer vir 15 minute.
- Maak die deeg warm toe met ‘n ge-oliede plastieksak en ‘n kombers en laat op ‘n lekker warm plek rys tot dubbel in volume.
- Verhit ‘n kastrol met helfte van die olie en helfte botter.
- Knie jou deeg goed af. Knyp ‘n bol deeg af, rol dit in ‘n lang wors, druk dit plat tot dikte van 1 cm en sny dan skuins stroke.
- Plaas die koekies in die olie en braai totdat hulle lekker bruin is. Roer sommer terwyl hul braai om seker te maak hulle verbruin egalig.
Bron: Boesmanland Langtafel – Marli Visser
