Weeklikse Woensdag-resep: Soetpatats

Marinda Engelbrecht help ons om patats soet en heerlik te kook. Die resep is maklik en ideaal vir ’n vinnige bykos.

BESTANDDELE:

1 kg geskilde patats wat in dik ringe gesny is

100 g botter

145 ml suiker

100 ml heuning

3 pypkaneelstokkies

METODE:

1. Kry ’n diep pan op die stoof gereed.
2. Bedek die bodem van die pan met ’n lagie botter.
3. Pak ’n laag patats bo-op.
4. Gooi botter, heuning en suiker en kaneel oor.
5. Herhaal tot alles op is.
6. Stel die plaat redelik hoog en sit die deksel op.
7. Kook tot die patats sag en die stroop taai is.

Bron: Marinda Kook